Centro de Produción de Audiovisuais (CPA) » Novas de Lugo » 2012

22/12/2012
As estrelas do celuloide escollen a EIS como destino para o Nadal

Os estudantes do primeiro ano de Realización, intoxicados do espíritu festeiro, ofreceron no salón de actos da Escola de Imaxe e Son de Lugo a súa particular visión do que debe incluír todo Belén que se prece. Drama, acción e bos diálogos foron o núcleo dunha obra que aspiraba a sacar un sorriso, e pode que unha bágoa, dos espectadores.



21/12/2012
Lara Méndez entregou ó músico focense Arcadio Mon o CD “Sen seu Amor”, gravado pola Fundación TIC

- Este traballo discográfico, que recolle unha ducia de temas propios do músico focense, contou coa colaboración dos alumnos da Escola de Imaxe e Son nas tarefas de produción, promoción e distribución

- O disco co que o músico focense rende homenaxe ás terras do Masma e á lingua galega recolle unha ducia de composicións propias en galega e unha en castelán, dúas das cales están adicadas a Manuel María

- A Fundación TIC contribúe ó impulso da cultura musical na provincia co apoio técnico na realización de CD e videoclips; a colaboración na celebración de festivais musicais ou na promoción de novos talentos, coma a prestada a través do proxecto “Xoves con Arte”



12/12/2012
Alumnos da Escola de Imaxe e Son fan prácticas reais gravando un CD de cantos de Nadal con fins solidarios

Estudantes da EIS participaron, nos estudios EC do Corgo, no proceso de gravación e mesturas do CD Cantos de Nadal, que inclúe 10 temas producidos por Eloi Caldeiro e con cuxas vendas mercaranse xoguetes para os nenos e nenas máis desfavorecidos da provincia
É unha acción promovida por Sons Galiza Comunicación con motivo do seu 25º aniversario e coa que os alumnos da EIS puideron completar con prácticas reais a formación que reciben no único centro público da provincia que ofrece formación profesional da familia audiovisual



04/12/2012
Alberte Cabarcos imparte un taller de interpretación na Escola de Imaxe e Son

Alumnos da Escola de Imaxe e Son de Lugo participaron nun taller de teatro dunha semana de duración e dirixido por Alberte Cabarcos.



04/12/2012
A TIC gravou por terceiro ano a Noite Aberta para apoiar ó emprego do comercio lucense

Alumnos da Escola de Imaxe e Son distribuídos en 7 equipos participaron na gravación coa que se elaborará un DVD para promover a iniciativa impulsada por Deputación, Concello e a Asociación de Autónomas
A Fundación TIC colabora cas Autónomas desde a primeira edición deste evento ó igual que noutros celebrados na cidade como o Street Market ou a Feira Outlet para difundir o labor do colectivo e facilitar a inserción laboral dos estudantes da EIS
Máis de 50 comercios do centro ofreceron onte desde as 8 da tarde ata as 12 da noite, espectáculos na rúa, agasallos e suculentos descontos nos establecementos participantes



30/11/2012
“Familia”, realizado por dous ex alumnos da EIS, premio Somos a Curta! 2012

- Este galardón, da Facultade de Ciencias da Comunicación da USC, premia a mellor curtametraxe de comedia en galego realizada por alumnos con 600 e 400 euros e un diploma honorífico.
- A curtametraxe “Enfoques”, dirixida por alumnos do 1º curso de Realización e Audiovisuais, tamén quedou finalista neste premio da USC



28/11/2012
A Fundación TIC impulsa o labor de Unicef coa gravación dun DVD para difundir a campaña Cumpredías

Bolseiros e persoal técnico da TIC elaborarán un DVD coas imaxes da Gala benéfica que esta organización humanitaria celebrará no Círculo das Artes de Lugo o vindeiro día 11 de decembro ás 19:30 horas
Fundación TIC favorece a inserción dos alumnos titulados na Escola de Imaxe e Son coa realización de prácticas reais en proxectos audiovisuais cos que ademais se colabora con 120 entidades



22/11/2012
Alumnos da Escola de Imaxe e Son aprenden dos profesionais con prácticas en programas de radio e estudos de son

Esta actividade serve de complemento á formación da EIS e ten por obxectivo achegar o mundo laboral ós rapaces e rapazas que cursan os seus estudos no único centro público da provincia que imparte ensinanzas da rama audiovisual
A gravación dun CD de música, a realización dun programa de radio e un obradoiro de teatro son tres das actividades programadas para o mes de novembro



22/11/2012
A TIC difundirá o III Congreso Ibérico do Lobo que se celebra esta fin de semana en Lugo coa gravación dun DVD

Bolseiros da Escola de Imaxe e Son e persoal técnico da Fundación gravarán integramente as ponencias dos expertos neste mamífero que se darán cita por primeira vez en Lugo
-É unha nova colaboración da Fundación TIC, que promociona o labor de 120 organizacións realizando material audiovisual,co que contribúe á formación práctica dos seus alumnos



20/11/2012
O emprego e o ensino público de calidade, obxectivos dos Presupostos da Fundación TIC para 2013

-O Padroado aproba uns orzamentos de 2,7 millóns de euros, a mesma cantidade que no presente exercicio, dos que 1 millón son fondos europeos para o Centro de Innovación Social
-Manterase a gratuidade da matrícula, agás para os repetidores, fronte os 3.600 euros que tiñan que pagar por curso todos os alumnos antes da chegada de Gómez Besteiro á Deputación
-Os titulados da EIS terán o seu primeiro contacto co mundo laboral grazas ó programa de bolsas en empresas ó que se adican 70.000 euros e ás becas Leonardo da Vinci no estranxeiro
-Regina Polín toma posesión como nova patroa polo grupo provincial do PSOE en substitución de José Ramón Val, recentemente elexido Deputado Autonómico



17/11/2012
A moda tamén é espectáculo na Escola de Imaxe e Son da Fundación TIC

Alumnos da Fundación TIC organizan un desfile de moda para presentar a colección do deseñador Óscar González.
A actividade foi organizada polos alumnos coma un traballo de clase no módulo de Rexeduría de Espectáculos.



13/11/2012
O premio á mellor Fotografía 2012 da Academia de Televisión imparte unha clase maxistral na Escola de Imaxe e Son

- Dentro da aposta pola educación pública de calidade da Deputación, Jacobo Martínez súmase a unha longa lista de profesionais de prestixio que pasaron pola EIS como Imanol Uribe, José Luis Cuerda ou Luis Tosar
- A institución luguesa vincula con este taller a experiencia dos profesionais do sector coa formación dos alumnos do único centro na provincia que imparte ensinanzas superiores no eido audiovisual e con matrícula gratis agás para repetidores
- Jacobo Martínez defendeu a conveniencia de que os futuros realizadores coñezan a realidade do mundo audiovisual “para ter os pés sobre a terra”



10/11/2012
Gómez Besteiro entrega á Xunta de Confrarías da capital luguesa o DVD sobre a Semana Santa, realizado pola Fundación TIC

- Este traballo enmárcase no convenio entre Fundación TIC e a Xunta de Confrarías para a promoción económica e turística da cidade romana
- Bolseiros da Escola de Imaxe e Son gravaron e editaron a cinta coas prácticas que lles ofrece o único centro na provincia que imparte ensinanzas superiores no eido audiovisual
- A TIC mantén colaboracións con outros 120 colectivos lugueses sen ánimo de lucro co fin de poñer en valor a provincia e mellorar a formación dos alumnos da EIS



09/11/2012
Regina Polín entrega ós participantes nas Xornadas Arredor de Leiras Pulpeiro o DVD que realizou a TIC sobre o autor

O traballo audiovisual, que gravaron e editaron os bolseiros da Escola de Imaxe e Son para incrementar a súa formación práctica, recolle a vida e obra de Leiras Pulpeiro
- Polín destaca que “a Fundación TIC ten un labor social. Con este DVD buscamos potenciar no exterior a riqueza cultural, dinamizando a economía e gañando todos”



09/11/2012
Gómez Besteiro entrega á Xunta de Confrarías da capital luguesa o DVD sobre a Semana Santa, realizado pola Fundación TIC

- Este traballo enmárcase no convenio entre Fundación TIC e a Xunta de Confrarías para a promoción económica e turística da cidade romana - Bolseiros da Escola de Imaxe e Son gravaron e editaron a cinta coas prácticas que lles ofrece o único centro na provincia que imparte ensinanzas superiores no eido audiovisual - A TIC mantén colaboracións con outros 120 colectivos lugueses sen ánimo de lucro co fin de poñer en valor a provincia e mellorar a formación dos alumnos da EIS



01/11/2012
Alumnos da EIS aprenden a realizar maquillaxes especiais nun obradoiro de caracterización de Halloween

Estudantes de 2 de Produción coñeceron técnicas básicas de efectos especiais sobre como facer sangue, feridas falsas ou quemaduras e elaboraron terroríficcos personaxes empregando materiais coma látex, carne artificial ou colodion
A actividade desenvolveuse no Centro de Produción de Programas da Fundación TIC e forma parte do módulo de Representacións Escénicas e Espectáculos da programación práctica complementaria que a Escola ofrece o seu alumnado



30/10/2012
A Fundación TIC colabora coa Asociación para a Recuperación da Memoria Histórica gravando a homenaxe ás vítimas do Acebo

Os actos lembran ós trece integrantes do batallón Galicia liderado polo comandante Moreno, fusilados hai 75 anos, e neles participan un centenar de persoas chegadas de toda Galicia, Asturias, Madrid, EE.UU. e Xapón.

Un equipo de profesionais e bolseiros da Escola de Imaxe e Son elaborarán material audiovisual durante a celebración da homenaxe co obxectivo de difundir o labor que a Asociación está a levar a cabo.



26/10/2012
Ex alumnos da Escola de Imaxe e Son participan na nova curta de Amanita Films, rodada íntegramente en Sober

-Forman parte da trintena de profesionais que traballan no thriller de terror Deil, novo proxecto no que está inmersa a productora do monfortino Iván Patiño, que inicia a fase de postprodución tras cinco días de intensa rodaxe na parroquia de Vilaescura, en Sober.

-Os titulados en Imaxe e Son da TIC xa participaron noutros proxectos cinematográficos realizados na provincia como a curta Triste Soledad de un violinista ou o documental Hitler, Garbo... e Araceli, así como na realización de material audiovisual para o sector empresarial



25/10/2012
A TIC contribúe á poñer en valor a elaboración tradicional do liño gravando demostracións do oficio e obradoiros en Vilalba

- Estas actividades, xunto á proxección do documental “Liño”, compoñen a programación da IV Tasca de Liño, unha cita que organiza este sábado a Asociación de Mulleres Rurais de San Bartolomeu na parroquia vilalbesa de Insua.

- Profesionais da Fundación TIC e alumnos da Escola de Imaxe e Son recollerán nun DVD a festa, potenciando deste xeito a súa difusión e o labor do colectivo organizador.

- Esta asociación súmase ás 120 organizacións que teñen asinado convenio de colaboración coa Fundación para a difusión das súas actividades



15/10/2012
Os alumnos da TIC realizaron 350 vídeos de animación que os participantes descargaron a través dun cógido QR

Centos de persoas disfrutaron das actividades lúdicas do proxecto “Incursión San Froilán” , que permitiu ós estudantes da EIS realizar prácticas na rúa ó tempo que daban a coñecer ós cidadáns as vantaxes do uso das novas tecnoloxías.



04/10/2012
A TIC tomará a praza de San Marcos durante o San Froilán con actividades para veciños e alumnos da Escola de Imaxe e Son

- Baixo o lema “ISF 12 Incursión San Froilán-Fundación TIC” realizaranse vídeos de animación cos veciños como protagonistas, unha adaptación do concurso “Lo sabe, no lo sabe” e clases in situ para os alumnos da Escola.

- Con esta campaña, totalmente gratuíta para os participantes, promoverase o uso das novas tecnoloxías a través dun código QR, que permitirá ós asistentes descargar ó momento os vídeos no seu móbil.

- O programa desenvolverase do 4 ó 12 de outubro, en horario de mañá e tarde os días 5, 6, 7 e 12, e só de tarde o resto das xornadas.



27/09/2012
Inauguración do Curso na Escola de Imaxe e Son con director Carlos Sedes

Gómez Besteiro e o director coruñés Carlos Sedes inauguraron o curso académico 2012-2013, para o que se cubriron as 44 prazas dispoñibles ó pouco de abrirse a matrícula.
Sedes, que participou como director en macroproducións como Hispania e series como Padre Casares, Mareas Vivas e e Terras de Miranda, compartiu cos alumnos da EIS as claves do seu éxito profesional.



21/09/2012
A Fundación TIC contribuirá á recuperación da mallega de Becerreá coa elaboración dun DVD

Un equipo da TIC, no que participarán bolseiros da EIS, gravará o sábado esta malla de centeo destinada tradicionalmente a teitar con palla as pallozas e hórreos da bisbarra
-Celebrarase ó longo de todo o día no campo da feira e estará aberta á participación do público con obradoiros nos que teitadores da zona ensinarán a técnica do seu oficio
-A Fundación colabora cun cento de asociacións e organizacións sen ánimo de lucro para difundir a súa actividade e apoiar o tecido asociativo e cultural da provincia



20/09/2012
Comenza o curso na Escola de Imaxe e Son cubrindo a totalidade de prazas ofertadas en Realización e Produción por 4º ano consecutivo

Comezaron as clases do curso 2012-2013 no único centro da provincia que imparte ensinanzas da rama audiovisual e que mantivo a gratuidade da matrícula por 5º ano consecutivo, agás para os repetidores.

Os alumnos de primeiro visitaron as instalacións do Centro de Produción de Programas onde realizarán a súa formación práctica



10/09/2012
A Fundación TIC apoia ás empresarias da provincia con vídeos promocionais elaborados por alumnos da Escola

Os 43 spots difundiranse a través da plataforma de comercio electrónico da Deputación losproductosdelugo.com, as redes sociais e diversas canles de televisión.

Esta actuación é froito do convenio de colaboración entre a TIC e a asociación e súmase a outras iniciativas de apoio ó tecido empresarial da provincia como o Street Market, a Noite Aberta ou a Feira Outlet.

A TIC impulsa o labor doutras 100 asociacións e empresas tecnolóxicas mediante traballos audiovisuais nos que colaboran os estudantes e bolseiros do único centro en Lugo que imparte ensinanzas da rama audiovisual, facilitando a súa inserción laboral.



07/09/2012
A EIS da Fundación TIC volve cubrir todas as súas prazas

A Escola de Imaxe e Son da Fundación TIC acabar de cubrir por quinto ano consecutivo a totalidade das súas prazas.Non obstante, os alumnos en lista de espera poderán optar a unha praza, se se producise algunha baixa



03/09/2012
Aberto o prazo de matrícula para as derradeiras prazas no Ciclo Superior de Produción da Escola de Imaxe e Son

Ata o 1 de outubro, os interesados nas 5 únicas vacantes deben presentar a fotocopia do DNI, a certificación académica e o certificado de empadroamento, xunto co impreso que se descarga en www.fundaciontic.org, na sede da EIS: rúa Frei Plácido Rey Lemos da capital
- A Deputación mantén a gratuidade da matrícula para os alumnos de nova incorporación e para os que superaron todas as materias do anterior curso, facendo unha única excepción cos repetidores co fin de fomentar a cultura do esforzo
- A Escola de Imaxe e Son, o único centro público na provincia que imparte ensinanzas superiores da rama audiovisual, comezará o curso 2012-2013 o vindeiro 17 de setembro



31/08/2012
Fundación TIC, Concello de Lugo, Autónomas e Comerciantes combaten a suba do IVE e a crise co Street Market

É a feira que terá lugar o martes, 4 de setembro, coa que os comerciantes da cidade sacan ás rúas un amplo abano de produtos con descontos de entre o 50% e o 80%
Regina Polín subliña que mentres “o Goberno Central impón a suba do IVE e a Xunta nada fixo nos últimos anos facendo que pechasen case 400 comercios na capital, Deputación e Concello voltan a sumar esforzos con comerciantes e autónomos”
Técnicos e Bolseiros da TIC farán unha ampla reportaxe sobre a cita que se difundirá en canles de TV e redes sociais ó igual que fixeron coa Noite Aberta ou a Feira Outlet



24/07/2012
A Fundación TIC colabora co I Festival de Jazz “Vila de Foz” para promocionar A Mariña



05/07/2012
PROXECTO TICLUGO PROGRAMA DE APRENDIZAXE PERMANENTE - PROXECTO DE MOVILIDADE LEONARDO DA VINCI



03/07/2012
O Presidente da Fundación TIC, José Ramón Gómez Besteiro, fixo entrega este luns do CD “Con ton e son”



02/07/2012
As solicitudes para o vindeiro curso na EIS aumentan nun 37% catro días antes de que remate o prazo de preinscrición

Todos os interesados teñen ata o 5 de xullo a posibilidade de preinscribirse para optar ás 44 prazas de primeiro de Realización e Produción no curso 2012-2013
O 6 de xullo publicarase a lista de admitidos e do 10 ó 18 de xullo poderá formalizarse a matrícula, que será gratuíta agás para os repetidores



22/06/2012
O gañador de 3 Goyas Ángel de la Cruz apadriña a oitava promoción da EIS

- Besteiro clausurou o curso 2011-2012 anunciando que a martrícula volverá ser gratuíta agás para repetidores “porque queremos poñer en valor a cultura do esforzo”
- Do 22 de xuño ó 5 de xullo estará aberto o prazo de preinscrición para o próximo curso e o día 6 colgarase a lista de admitidos no taboleiro da EIS e en www.fundaciontic.org
- O Presidente da Fundación TIC avanzou ós titulados da Escola que proximamente poderán optar a 20 bolsas de emprego para facer prácticas en empresas audiovisuais de Europa



20/06/2012
Éxito de público na 1ª xornada de portas abertas organizada pola Escola de Imaxe e Son

Centos de lucenses participaron nunha xornada que acadou o seu obxectivo de dar a coñecer a preparación que os alumnos da Escola reciben de cara a súa inserción laboral
-Numerosos representantes de produtoras, medios de comunicación, centros educativos e asociacións participaron nas prácticas de radio, televisión e fotografía
Mañá clausúrase oficialmente o curso co cineasta Ángel de la Cruz como padriño da oitava promoción da EIS



19/06/2012
A Escola de Imaxe e Son celebra mañá unha xornada aberta ó público para dar conta da súa actividade

Trátase de Abertic, a 1ª xornada de portas abertas con talleres de radio, televisión e foto nos que participar gratis, ademais de proxeccións dos traballos dos alumnos
-As actividades desenvolveranse de 10:00 a 22:30 horas nas instalacións na EIS, na rúa Frei Plácido Rei Lemos da capital luguesa, xunto ó antigo hospital San Xosé
-Gómez Besteiro, representantes de produtoras, medios de comunicación, centros de ensino e exalumnos da Escola participarán nesta pioneira iniciativa



16/06/2012
A Fundación TIC promocionará as praias da Mariña difundindo actividades deportivas e medioambientais

O Deputado de Economía do Coñecemento e patrono da TIC, e a presidenta do North Shore Surf Club de Barreiros presentaron un amplo programa de deportes e actividades acuáticos e medioambientais.
Técnicos da TIC e alumnos e bolseiros da Escola de Imaxe e Son realizarán material audiovisual para difundir estas actividades e completar a súa formación práctica.
A Deputación continúa deste xeito potenciando a calidade turística e medioambiental da Costa luguesa con actividades de lecer, trala exitosa segunda edición do Surf-Camp.



15/06/2012
Alumnos de 1º de Realización da EIS presentan unha orixinal adaptación de Romeo e Xulieta como traballo fin de curso

A obra de teatro “Bésame ata morir” é a última das tres probas prácticas finais realizadas polos estudantes na asignatura Representacións Escénicas e Espectáculos onde poñen en práctica o aprendido ó longo do ano.
O curso finaliza oficialmente o próximo venres día 22 xuño.



09/06/2012
Alumnos de 1º de Realización e Produción da EIS visitan a produtora CTV Santiago, referente do audiovisual galego



30/05/2012
A web do Consello da Cultura Galega publica os vídeos sobre xogos tradicionais realizados pola TIC e Xotramu

Neles detállanse as regras de actividades como a billarda, a porca, o zurriagazo ou os bolos ó canteiro
O obxectivo desta colaboración é recuperar e promocionar o patrimonio inmaterial da nosa provincia
O xogos tamén se recollen nun DVD que se distribúe en centros de ensino e entidades interesadas neste material audiovisual



29/05/2012
A Fundación TIC realizou máis de 500 actividades e produtos audiovisuais en 2011

O Padroado aproba as contas do ano pasado cun grado de execución do 98,8% e co cumprimento do obxectivo de estabilidade presupostaria.
Gómez Besteiro destaca o importante esforzo económico que realiza o organismo provincial “para aforrar ás familias o custo da matrícula, que volverá ser gratuíta por quinto curso consecutivo na EIS, a única Escola de Imaxe e Son da provincia”.
A TIC apoiou á economía da provincia coa promoción dos autónomos e pequenos empresarios e incrementou nun 50% o número de convenios con asociacións sen ánimo de lucro.



14/05/2012
Os alumnos da Fundacion TIC participaron no festival Curtocircuito.

Os alumnos da Escola e Imaxe e Son participaron o pasado 10 de maio no Encontro de Centros Audiovisuais de Galicia organizado polo Festival Curtocircuito, que se celebra todos os anos coas curtametraxes BACK TO THE TIC, MUTED e VILACAZÁNS.



10/05/2012
A Galas Lucus Moda 2012, gravada pola Fundacion TIC poderá ser emitida por 40 canles de televisión

O evento foi trasladado ó Centro de Contenidos, empresa de distribución audiovisual, que o ofrecerá a 40 cadeas de televisións españolas. Telelugo foi a primeira canle que emitiu a Gala, despois de ser presenciada en directo por 600 persoas.
Varios bloggers especialistas en moda seguiron e comentaron a gala en directo para os máis de 300.000 seguidores e usuarios cos que contan en España



10/05/2012
A Fundación TIC incrementa o seu servizo en apoio ós colectivos sociais da provincia

O Presidente asina novos convenios coa Sociedade Protectora de Animais e Prantas, Proxecto Danza e Fundación Juan Soñador para a realización de proxectos audiovisuais coa colaboración dos estudantes da Escola de Imaxe e Son
- A TIC incrementou nun 400% no último ano este servizo para potenciar o traballo de asociacións sen ánimo de lucro e aumentar a formación práctica dos alumnos da EIS



04/05/2012
Preséntase o vídeoclip Lávate as mans realizado coa colaboración da Fundación TIC

O vídeo, elaborado polos alumnos do colexio Galén con motivo do Día Mundial da Hixeñe de Mans, utilizarase en campañas de sensibilización do Ministerio de Sanidade
Unha trintena de estudantes do Galén coñeceron as instalacións da TIC e elaboraron un informativo de televisión co apoio dos auxiliares docentes



04/05/2012
Alumnos da EIS realizan actividades acuáticas na Mariña e completan a reportaxe das posibilidades deportivas na provincia

23 estudantes practicaron surf en Barreiros, así como wakeboard e kite-surf en Ribadeo, ó tempo que grabaron os seus compañeiros participando na modalidade Km0 Xtreme.
Este traballo audiovisual, que tamén inclúe escalada ou rutas en bici, enmárcase na programación práctica para os alumnos de 1º curso de Realización xunto a outras 4 pezas.



02/05/2012
Gómez Besteiro entrega o CD do himno do Arde Lucus ós lexionairos da Cohors III Lucensium

A Fundación TIC financia ó 100% esta iniciativa que se engade ó videoclip sobre dita peza musical que realizaron bolseiros da EIS, incrementado a súa formación práctica. O Presidente, que recibiu a Insignia de Ouro da Cohors III Lucensium, destaca o labor dos colectivos na declaración do Arde Lucus como Festa de Interese en Galicia e cita punteira en España coa visita de 1 millón de persoas



23/04/2012
A Fundación TIC forma ó seu persoal no programa de post produción Adobe After Effects

O curso está incluído no programa de formación continua dos docentes e técnicos da TIC. Esta actividade consta de 40 horas que se imparten os venres de abril, maio e xuño na Escola de Imaxe e Son



14/04/2012
A TIC impulsa coa edición dun DVD o I Concurso Lucus Intercentros, organizado polo instituto Muralla Romana

O certame educativo xurde coa finalidade de poñer en contacto alumnos de primeiro de BAC e docentes dos oito institutos de secundaria da capital, e poñer en práctica o currículo dos alumnos de Secretariado na organización de eventos. A colaboración é froito do convenio asinado entre a TIC e o instituto Muralla Romana co fin de completar a formación práctica dos estudantes da Escola de Imaxe e Son de cara á súa futura inserción laboral



14/04/2012
O Presidente da TIC entrega mil copias do CD de pasodobres da banda de música de Sarria editado pola Fundación

O disco recolle oito pasodobres desta agrupación composta por músicos de entre 14 e 40 anos. Os integrantes das banda recibiron un DVD da actuación que foi gravado por alumnos e bolseiros da TIC



13/04/2012
Master Class sobre a fotografía no cine na Escola de Imaxe e Son impartido polo ex alumno Jaime López Rois



12/04/2012
O EX-ALUMNO Rafael Pérez Fidalgo xunto cos membros do colectivo Theremintourette imparten un curso sobre LIvecinema na Fundación Tic



03/04/2012
A Fundación TIC contribúe ó éxito do Km0 Surf-Camp coa súa difusión fóra das nosas fronteiras

Técnicos da Fundación TIC e bolseiros da Escola de Imaxe e Son realizaron a gravación íntegra das sesións e reportaxes para difundir ás axencias de noticias, xornais dixitais e televisións de todo o pais, que xa se fixeron eco do evento, ó que tamén deron cobertura in situ medios de comunicación de varios paises - O programa Desde Galicia para o Mundo que emiten a TVG e TVE Internacional para o resto de Europa, América e Asia incluirá, o día 21 de abril, unha reportaxe sobre o Km0 Surf-Camp Deputación de Lugo



03/04/2012
A Fundación TIC colabora coa Xunta de Confrarías e grava os actos de celebración da Semana Santa lucense

Ó remate da Semana Santa, a Fundación TIC elaborará un DVD coas mellores imaxes.
A colaboración inclúe a participación de bolseiros da Escola de Imaxe e Son



01/04/2012
A FundaciónTIC acolle a presentación da película Vilamor



29/03/2012
A Fundación TIC colabora coa Asociación Enriqueta Otero contra a violencia de xénero

O Presidente da Fundación e a Presidenta da Asociación asinaron un convenio para a realización, a custe cero, de traballos audiovisuais para visibilizar o seu labor en prol da defensa das mulleres na provincia
Bolseiros da Escola de Imaxe e Son, co apoio dos técnicos da TIC, participarán na elaboración dos vídeos co fin de completar a súa formación e tomar contacto co mundo laboral
-O convenio súmase ós máis de 50 asinados con asociacións luguesas sen ánimo de lucro pola Fundación TIC, que no último ano incrementou en máis de 400% os acordos con ONG´s ou colectivos culturais e deportivos



28/03/2012
Os alumnos da Escola de Imaxe e Son presentan os proxectos audiovisuais de fin de curso nunha gala teatralizada

Gómez Besteiro participou na proxección do thriller “Post Mortem” e do documental “Proxecto Campá”, realizados na súa totalidade polos estudantes da promoción 2010-2012
Son o colofón a un traballo de 6 meses e o pase para obter o título superior en Imaxe e Son na EIS, o único centro da provincia que ofrece formación superior no eido do audiovisual



26/03/2012
O Presidente da TIC entrega mil copias do CD da Banda de Gaitas Mato Vizoso de Vilalba editado pola Fundación

O disco recolle dez pezas interpretadas pola agrupación chairega e forma parte da colección “Sons Lugueses”



22/03/2012
Os directores e produtores das curtas finalistas dos Premios Mestre Mateo 2012 defenden na Deputación os seus proxectos

Foi nos Encontros Mestre Mateo, presentados por Besteiro, que anualmente se celebran antes da entrega destes galardóns e nos que participaron alumnos da Escola de Imaxe e Son - Os profesionais nominados á mellor curtametraxe de ficción que deron conta dos seus traballos foron: Xacio Rodríguez Baños, Sonia Méndez, Sara Horta e Iria Ares



18/03/2012
Os alumnos de segundo curso de realización audiovisual da Escola de Imaxe e Son de Lugo - Fundación TIC gravaron o partido Emevé - A Pinguela

O pasado sábado 17 de marzo de 2012, os alumnos de segundo de realización audiovisual da Escola de Imaxen e Son da Fundación Tic gravaron o partido da SuperLiga Feminina 2 de Voleybol entre o Emevé e A Pinguela..
Coordinaron unha realización con cinco cámaras, dous discos para repetir as mellores xogadas e grafismos de resultados en directo.



04/03/2012
Éxito da curta “Triste Soledad de un Violinista” na noite da súa estrea oficial organizada polos alumnos da Escola de Imaxe e Son



04/03/2012
A Fundación TIC potencia o labor de AUXILIA Lugo pola integración de discapacitados no seu 40º aniversario

O Presidente da Fundación e o Delegado deste colectivo na provincia asinaron un convenio para a realización, a custe cero, de traballos audiovisuais que amosen a evolución de AUXILIA Lugo coa testemuña dos seus membros e voluntarios
-Bolseiros da Escola de Imaxe e Son participarán, cos técnicos da TIC, na elaboración dos vídeos co fin de completar a súa formación e tomar contacto co mundo laboral
Con esta nova sinatura xa son máis de 50 asociacións luguesas sen ánimo de lucro coas que colabora a Fundación TIC, multiplicando no 2011 por 400% con respecto ó ano anterior, os convenios con ONG´s ou colectivos culturais e deportivos



29/02/2012
Alumnos da EIS de Lugo poñen en práctica os seus coñecementos realizando un informativo en directo en RNE

Unha vintena de estudantes participaron na mostra itinerante que tivo aberta este martes a radio pública na Praza Maior da cidade con motivo do seu 75 aniversario



28/02/2012
A Deputación acolle o xoves o estreno da curta de Lolo rodada en Sarria e protagonizada por Soraya e Amarilla

Gómez Besteiro e Roberto Lolo presentaron hoxe no Pazo de San Marcos o evento que organizan 10 alumnos da Escola de Imaxe e Son e que contará ca presenza dos actores protagonistas
Os asistentes á cita, que será libre ata completar aforo, poderán facer preguntas ós famosos e fotografiarse no photocall que se instalará na entrada principal da institución
“Triste soledad dun Vionista” é o segundo traballo que o cineasta lucense filma na súa terra natal e para a que contou coa colaboración da Fundación TIC



28/02/2012
Estudantes da escola de Imaxe e Son de Lugo visitan a exposición do 75 aniversario de RNE que está hoxe en Lugo



25/02/2012
Becarios de la Fundación Tic gravan os partidos da Primeira División Nacional de Hóckey Liña

O pavillón municipal da Piringalla é hoxe a IV Sede de Primeira División Nacional de Hóckey Liña en horario ininterrompido dende as 9:00 h. ata que finalice, aproximadamente ás 23 h



15/02/2012
Gómez Besteiro presentou o vídeo da homenaxe a Luis Tosar en Cospeito realizado por técnicos e bolseiros da TIC

O Presidente, familiares e amigos do actor participaron na proxeción do DVD sobre o recoñecemento a Tosar que tivo lugar en setembro na parroquia de Xustás
A cinta recolle, ademais das actividades desenvoltas durante a homenaxe, as testemuñas do intérprete sobre as súas vivenzas nesta parroquia chairega onde naceu
Este traballo é froito do convenio da TIC coa Federación de Asociacións de Veciños que se engade ós máis de 50 que mantén con outros colectivos lugueses



14/02/2012
Gómez Besteiro clausura o V Campionato Internacional de Baristas de Escolas de Hostalería organizado polo IES de Foz.

O Presidente destacou a aposta do instituto mariñano por unha especialidade profesional que “aumenta as posibilidades de inserción laboral” no sector servizos, ó que se dedican o 70% das empresas radicadas na comarca
A Deputación, a través da Fundación TIC, contribúe á difusión dos certames de baristas que promove o centro educativo focense dende a súa primeira edición
Maña realizarán a gravación do IV Campionato de Barista da Rexión Noroeste SCAE España que poderá ser seguido en directo mediante internet.



14/02/2012
Alumnos da EIS gravaron en Foz o V Campionato de Baristas de Escolas de Hostelería

Tamén realizarán a gravación do IV Campionato de Barista da Rexión Noroeste SCAE España que poderá ser seguido en directo mediante internet.



10/02/2012
A Fundación TIC potencia a difusión dos campionatos de baristas que acollerá o instituto de Foz entre os días 14 e 15

Alumnos do segundo curso da Escola de Imaxe e Son gravarán o V Campionato Internacional de Baristas de Escolas de Hostalería e o IV da Rexión Noroeste SCAE España, nos que participarán 15 centros de Galicia, Asturias, Cantabria e Portugal
O Deputado de Economía do Coñecemento destacou que o instituto focense é “un referente en España” nesta especialidade profesional, o que prestixia a imaxe da Mariña e amplía as posibilidades de inserción laboral dos mozos
José Ramón Val entregou en Mondoñedo á asociación Abrindo Camiño 500 copias dun DVD elaborado pola Escola de Imaxe sobre a xornada cultural A Noite de Merlín organizada polo colectivo mindoniense en decembro



10/02/2012
A Fundación TIC entrega 500 copias do DVD A noite de Merlín que se presenta o domingo en Mondoñedo

José Ramón Val foi o encargado de entregar ó presidente da asociación Abrindo Camiños o traballo no que participaron bolseiros e alumnos da EIS
A presentacion do DVD será o día 12 ás 19:00 horas no Auditorio Municipal Pascual Veiga



03/02/2012
Os alumnos da EIS asistirán á obra “Shakespeare para ignorantes” da XII Mostra de Teatro Clásico de Lugo

Esta iniciativa enmárcase dentro do plan de formación complementaria que a EIS ofrece ó seu alumnado
A obra está producida por “Produccións Excéntricas Mofa & Befa” e dirixida polo autor Quico Cadaval



01/02/2012
Alumnos da Escola de Imaxe e Son remataron hoxe a gravación dunha curtametra no hospital San Rafael

Doce estudantes rodaron “Proxecto Campana”, unha cita que conta o día a día dun psiquiatra. O traballo, realizado na súa totalidade polos alumnos, enmárcase na programación do único centro na provincia que imparte ensinanzas superiores no eido audiovisual



30/01/2012
Alumnos da Escola de Imaxe e Son comezan en Lugo a rodaxe da curtametraxe “Post Mortem”

14 estudantes rodan nas rúas Progreso e Río Eo da capital luguesa para continuar mañá e o venres nunha vivenda particular da Avenida da Coruña
-O traballo forma parte do proxecto de fin de curso ó igual que “Proxecto Campana”, a cinta que se gravará a vindeira semana no xeriátrico de Castro, entre outros escenarios



21/01/2012
A Fundación TIC apoia o labor de Preescolar na Casa na loita contra o despoboamento no rural

A TIC e Preescolar na Casa renovan o convenio para a elaboración de produtos audiovisuais que difunden o modelo educativo da entidade, nacida en Lugo hai 34 anos, e que o ano pasado atendeu a preto 4.000 nenos.
Gómez Besteiro destaca a importancia desta colaboración, á que se engaden os 42.000 euros achegados pola Deputación no 2011, “nun momento especialmente crítico para a educación dos nosos rapaces debido ós recortes da Xunta”.



21/01/2012
A curtametraxe 'Back to the TIC' dos alumnos da Fundación TIC, candidata aos premios Mestre Mateo 2011

A curtametraxe BACK TO THE TIC, producida e realizada polos alumnos de Realización Audiovisual da Escola de Imaxe e Son de Lugo, é candidata aos Premios Mestre Mateo 2011 organizados pola Academia Galega do Audiovisual na categoría de mellor curtametraxe de ficción.



16/01/2012
Os alumnos da Fundación TIC visitan a planta de impresión de El Progreso



23/05/2012
Fotos de la Gala Lucus Moda 2012

Imaxes do Photocall da Gala Lucus Moda 2012, coas autoridades, deseñadores, presentador e os asitentes



11/06/2012
REPORTAXES E NOTICIAS DA PROVINCIA DE LUGO






Rúa Frei Plácido Rei Lemos s/n / 27004 - Lugo
Teléfono: 982 284 667 / Fax: 982 284 687
info@fundaciontic.org
Fundación  |  Escola de imaxe e son  |  Produtora  |  Film Comission  |  Novas  |  Ligazóns  |  Videos  |  Foro  |  Contacto
Diseño web de Lugonet