Centro de Produción de Audiovisuais (CPA) » Especiais
03/02/2010
km0. A Asociación da Terceira Idade de Bretoña-Pastoriza na Fundación TIC
No marco das visitas do programa km0, 48 persoas de Bretoña e Pastoriza descubriron o traballo que se está a realizar na Fundación TIC, na Escola de Imaxe e Son e no Centro de Produción de Programas.
A xornada comezou co recepción no Pazo de San Marcos sede da Deputación de Lugo e dende alí trasladáronse ata o Centro de Produción de Programas da Fundación TIC onde asistiron as explicacións sobre os segredos da Televisión.
A Asociación da Terceira Idade acolleuse a este ambicioso programa da Deputación de Lugo que permite a tódolos colectivos interesados coñecer as instalacións pertencentes a este organismo provincial e facer unha ruta para coñecer e redescubrir algunha das zonas de interese da nosa provincia.
Neste caso percorreron a ruta de Adegas e Miradoiros na que se inclúe a visita ao petroglifo de Xestal e a igrexa románica de Proedos, unha visita a unha adega con denominación de orixe Ribeira Sacra onde se realizou unha degustación e por último o carón das cinco da tarde realizouse unha visita ao Santuario de Cadeiras con paseo ata o miradoiro sobre o río Sil.
Volver
